Loreto García Arberas Zientzia Biologikoetan (Zoologia) lizentziaduna da Santiago de Compostelako Unibertsitatean eta Biologian doktorea UPV/EHUn. Gaur egun, Begoñako Andra Mari Irakasleen Unibertsitate Eskolako irakaslea da, eta Haur eta Lehen Hezkuntzako Graduetan egiten du lan.
Bere irakaskuntza jarduera Matematikaren didaktikan garatzen du eta ikerkuntza jarduera nagusiki ekologiaren arloan. UPV/EHUko Fauna, Fauna-Baliabideak eta Ingurumen-Kalitatea Ibai Sistemetan eta Ingurumen-Hezkuntza ikerketa taldeko kidea da. Bere azken argitalpenak fauna kudeaketari buruzkoak dira: espezie mehatxatuak eta espezie exotiko-inbaditzaileak.